Anteprojeto da Constituiçom Galega

Este livro constitui umha rara avis, umha proposta política única que nom por ser pouco conhecida perde valor. Este Anteprojeto de Constituiçom Galega, redigido pola Assembleia do Povo Unido (APU) em 1993, é a única proposta de Constituiçom Galega realizada até o momento onde se recolhe umha Galiza independente, arredada do Estado Espanhol, onde a soberania reside em exclusividade no sujeito-povo galego.

Na ediçom realizada neste 2026 pretendiam-se dous objetivos: Por umha banda resgatar e difundir um texto com valor histórico, nom por ser a proposta perfeita, mas por ser a primeira vez que desde a esquerda independentista se trabalhava a ideia de como organizar umha República Galega. Pola outra, compreender os motivos que levárom a APU a realizar este texto. Para isso conta-se com os limiares de duas pessoas militantes da organizaçom naquela altura (Joám Lopes Tavia e Joám José Romero). Graças ao seu generoso contributo, podemos saber o contexto e os pormenores da sua realizaçom para entender o texto legal.

Aguardamos que esta obra sirva para achegar ao público geral este documento político, e que contribua a estimular o debate e a reflexom a respeito das eivas e acertos que teria este modelo de Constiuiçom